وقت نہ پُچھ کیویں گُزردا پئے

 وقت نہ پُچھ کیویں گُزردا پئے
ڈیکھ ! اٙکھیں تُوں غم نظردا پئے
سچ تے ھوندیں ہوئیں یار بُڈدے پیوں
کُوڑ کُوڑے دا ڈیکھ تٙردا پئے
میکوں وِسرے ھا گال کئی نہ ھئ
ساری وٙستی دے وٙنڑ وِسردا پئے
میڈے اپنڑے بہُوں مُخالف ھِن
غیر سُنڑ تے اے گال ٹٙھردا پئے
چندر چہرے دی روشنی ڈے چا
کئی اٙندھارے کنوں گُزردا پئے
اٙوکھ ھوندیں وی اٙوکھ نئیں "ثروت"
درد تیڈا میکوں پٙکردا پئے
(سعید ثروت)