میڈیں ہنجوں دی چھل تیڈا زوال بنڑ ونجے تاں ول
تیڈا اے ظلم کل تیڈی مثال بنڑ ونجے تاں ول
میڈی اے بے کسی صباحیں سوال بنڑونجے تاں ول
لبیں تے آ کرائیں جیکر اے گال بنڑ ونجے تاں ول
جیرھی توں نفرتیں دی سوچپئیں سچینداسوچ گھن
تیڈی اے سوچ دشمنیں دی ڈھال بنڑونجے تاں ول
نہ کھل کہیں غریب دے پھٹیے ہوئے لباس تے
تیڈا وی حال اوں جہیاں بے حال بنڑ ونجے تاں ول
توں جیندا حال سنڑکرائیں غصے توں لال تھی ویندیں
خیال کر اوہو تیڈا خیال بنڑونجے تاں ول ؟
توں چندر تے جوپینگھ پئیں بدھیندا اپڑیں پیار دی
اے پینگھ کل تیڈے کیتے وبال بنڑونجے تاں ول
0 Comments