اساں گم نام ٹھیک ہسے اساڈا ناں ضروری نئیں
ہنر خود تھی امرویندے چھڑی پھوں پھاں ضروری نئیں
حیاتی دا سفر اپنا اساں ڈھئے پو تے کر ویسوں
ڈیوے مونڈھا یا پکڑے کئی اساڈی باں ضروری نئیں
حقیقت ہے ایہا یارو سہارے بوڑ ڈیندے ہن
جیکر ہے دھپ نصیبیں وچ،کہیں دی چھاں ضروری نئیں
وفا ہووے جفا ہووے اساں ہر حال راضی ہوں
ولا کیا میڑھ نرواراں ؟کروں منتاں ضروری نئیں
میڈا بستر زمین ہے پئی تے ڈیوے چندر تارے ہن
دیوانے دے رہن کیتے کئی چھپری چھاں ضروری نئیں
جیڑھی کیتی ، ہے جئیں کیتی خدا ہے جانڑدا ساری
ودا ڈیواں کہیں کوں میں کہیں دی دھاں ضروری نئیں
0 Comments