اپڑیاں اکھیاں کوں سدا ہنجوآں دے پیالے کرکے

اپڑیاں اکھیاں کوں سدا ہنجوآں دے پیالے کرکے جیندا ہاں ساہ کوں کلھیپے دے حوالے کرکے 
اپڑیں دل وچ میں ولا ونج کے اج آباد تھیاں
صاف دلدار تیڈے درد دے جالے کرکے 
کیا کراں ہنجھ تیڈا درد جو ظاہر چا کرے 
میں لکُانواں پیا کھل ہاسے دے چالے کرکے 
دل دے صحراچ ودا خُشیاں دے پیرے چُمداں
زندگانی دے سبھے درد سمالے کرکے 
ہنڑ میں پچھتاندا وداں وقت کنوں پہلے انیق
سجدے الفت دیاں رہواں چ ابالھے کرکے