آ کے بہہ سامنڑیں میں غزل لکھ گھناں رلے گزرے ہوئے سارے پل لکھ گھناں جنہاں نیناں دے چکر چلیندا ودیں انہاں نیناں دا لڑھدا کجل لکھ گھناں چھوٹ اج میکوں رب سئیں آپے ڈتی میں تاں سوہنڑیں حیاتی دا کل لکھ گھناں ساریاں رونقاں، تیڈے ناویں کراں تیڈے ناویں ابد تے ازل لکھ گھناں میکوں لکھنڑ دا جے اذن ہووے عطا تیڈیاں زلفاں کوں کالا بدل لکھ گھناں بھانویں لکھدے اے انگلیں قلم تھی ونجن میڈا احمد ہے مٹھڑا مٹھل لکھ گھناں
0 Comments