دل تے چھرے دی چھاپ کر گھندوں

دل تے چھرے دی چھاپ کر گھندوں
تیکوں ڈیکھن دا پاپ کر گھندوں
کیوں ودھیندا ئیں گالھ محشر تک
گالھ آپس دی آپ کر گھندوں
اپنی اوقات کولوں نیں ودھدے 
قد اپنے دی ناپ کر گھندوں
ممتحن کوں تاں پاس نیں امدے 
امتحان اچ وی ٹاپ کر گھندوں
دوکھے کھا کھا تے عقل آ گئی ہے 
ہن لٹیریں دی جاپ کر گھندوں
اے تجربہ وی چن ضروری ہے 
چار ڈینہ دا سہاپ کر گھندوں
تیڈیں یادیں دا رقص ہے ہمدرد
دل دی دھڑکن کوں تھاپ کرگھندوں