ڈکھ توں چچری زبان تھی گئی اے

ڈکھ توں چچری زبان تھی گئی اے 

زندگی امتحان تھی گئی اے 

ایڈو کم توں جواب ملیا ہے

اوڈوں بچڑی جوان تھی گئی اے 

میڈی پگ دے رلنڑ دا غم نہ کر

تیڈی تاں اچی شان تھی گئی اے 

پیریں ڈھانداں توں بخش چا میکوں

ڈھیر ھنڑ لعن طعن تھی گئی اے 

مال بکھ توں پٹیندا پیا ھوسی

اج تاں راہ وچ اذان تھی گئی اے 

اوں نبی دا مقام کیا ھوسی

جیندی بولی قرآن تھی گئی اے 

تیکوں جئیں ڈینہہ دا ھتھ ملایا ھم

میڈی ھستی مہان تھی گئی اے 

فیض تئیں چھوڑنڑاں تاں ھا جیویں

میکوں غربت جو دان تھی گئی اے