کلام ۔۔۔عزیز شاہد

دید کئی درمیان ہووے پئی
کئی نہ کئی جاگ جان ! ہووے پئی
کئی متاں تیڈا ناں پچھے میں توں 
میڈے مونہہ وچ زبان ہووے پئی
اچھا ! ول بادشہ کوں نندر آ گئی
اے کہانی بیان ہووے پئی
ہجر دی رات آس رکھ آئی اے
رات کہییں دی مہان ہووے پئی 
بئے جنم تئیں فقیر سک ساڈی 
تیڈے کولوں امان ہووے پئی
من مسیت ء چ متاں کئی لنگھ آوے 
کہیں دے ناں دی اذان ہووے پئی
اپڑیں پیرے مٹا مٹا کے ٹرو 
بے کسی بے نشان ہووے پئی
کلام ۔۔۔عزیز شاہد