بالآخر بنڑ کے ارداسی میڈو آسی
ضرور ھک ڈینہہ او پچھتاسی میڈو آسی
ولا آکے وسا ڈیسی میڈی وستی
او وسدے شہر دا واسی میڈو آسی
ہاں واقف اوندی فطرت تے طبیت توں
او جذباتی او وسواسی میڈو آسی
میڈی قربت دی سک اوکوں جڈاں کھاسی
او ذات اپڑیں توں گھبراسی میڈو آسی
جہڑا کل پیار دا منکر ڈسیندا ہائی
اوہو اج بنڑ کے درخواسی میڈو آسی
جڈاں اوکوں کلہپے ویہڑ ونجڑاں ہے
میڈے سینے دا ہبلاسی میڈو آسی
اسے ہک آس تے جیندا وداں راقب
یقینا" او میڈو آسی میڈو آسی
0 Comments