یارب میڈے وطن وچ ہر دم بہار ہووے
فضل و کرم تیڈے دی ہر سو ملہار ہووے
صدقہ نبی سخی دا تھیویس نہ کجھ کڈاہیں
سر سبز ملک میڈا لیل و نہار ہووے
میڈے وطن کوں مولا عظمت ایجھیں عطا کر
چرچا تے غوغا ایندا اروار پار ہووے
بے داغ جند ہنڈاون میڈے وطن دے گھبروو
پردے حیا دے اندر ہر پردہ دار ہووے
دھرتی میڈے وطن دی سونا تے چاندی اگلے
ہر ہک زمیں تو ایندا اعلی معیار ہووے
خوش حال کر ڈے ایجھیں سارے کسان میڈے
گھر گھر وچالے لگی لکھ منڑ دی بار ہووے
جانباز میڈی روہی خلد برین نظرے
سارے جہاں تو ایندا وکھرا وقار ہووے
0 Comments