ایں دُنیاں تیں کہیں دا دل ڈُکھایا نہ کرو یارو
اے دل کعبہ ھے رب دا گھر ڈَھایا نہ کرو یارو
نہ ھووے پَھر تاں آکھیا چاء خُدا حافظ فقیریں کوں
مگر جھنڑکاں ڈے کے در کُولوں تڑھایا نہ کرو یارو
کوء کم ذات ھے یا شاہ، برابر ھن اُوندے نظریں
کہیں کوں ذات دا شیشہ ڈکھایا نہ کرو یارو
جو مُنھ دے لفظ ھن تلوار توں زیادہ اثر رکھدن
کہیں کوں سخت لہجے وچ الایا نہ کرو یارو
پتہ کائینی جو ،بادل، ھے حیاتی بے وفا کے تائیں
بہوں اوکھے سجنڑ ملدن رنجایا نہ کرو یارو
0 Comments